Lirik Lagu Minang: Ondeh amak – Nedi Gampo

Lirik Lagu Minang: Ondeh amak – Nedi Gampo

Amak Amak Amak ondeh amak..
Lah habih dayo mancari karajo
Anak den banyak Mak bapitih ndak
Mangeak-ngeak dek manahan lita
Den caliak pariuk mak oi nan tingga karak

Oi Amak amak amak ondeh amak..
Indak salah Mak Amak manganduang
Salah yo denai ndak tau di untuang
Katiko bujang suko lalok bagaluang
Kini lah taparangak denai otak baluluak jo takatuang ondeh Amak..

Den caliak godok lah gadang-gadang
Caliak martabak lah kambang-kambang
Jo a di bali saku tauncang kama batenggang..
Urang manyungkah awak mancaliak
Bunyi capaknyo badariak-dariak
Jakun-jakun den turun naiak
Aie liu den manitik-nitik
Apo ka dayo di badan nan ko
Cari karajo ndak dapek juo
Ka manggaleh pokok ndak ado apo ka dayo..
Kok ka lauik sampan tiado
Ka bakuli indak batanago
Ka mambecak lutuik den kurok
Ondeh malang.. Amak...

Amak, aa ka dayo den lai ko Mak ai
Lai den cubo karajo Mak, tapi ciek juo ndak manjadi doh
Lai pai lo marantau, pulang lo baliak
Dima bumi di pijak Mak, sinan tanah den kapiang
Dima rinbo di jajak, di sinan kayu den kapak
Nan nasib ko ndak barubah juo do Mak
Lah paniang den, ndak talok nan ka den kakok Mak
Kok kajamban se lah aie nan kalua ondeh..
Baa lai ko Mak oi..?!?

Oi Amak amak amak ondeh amak..
Indak salah Mak oi bundo manganduang
Mungkin dek nasib den alun baruntuang
Satiok malangkah tiok tataruang
Nan kayu di tungku lah tingga puntuang

Kini aki lah mulai suak, lai den cas barapi indak
Pangana abih utak lah pakak, ondeh amak..
Jangek di badan lah mulai kandua, pancalian baraso kabua
Kaki bajalan taraso layua, alah maunjua..
Alah padam baro di dapua, alah kariang aie di sumua
Badan lah dakek ka pintu kubua, oi mak kanduang..
Ondeh angin baok den tabang, ambuangan bana ka dalam jurang
Bia sansaro nak nyo ilang, ondeh Amak.. Amak...

Amak, ka jadi a den ko Mak oi
Tiok den kakok, tiok ndak jadi do Mak
Tu mah, Ka jadi pagawai awak SD ndak tamaik
Ka manggaleh Mak modal sandek, manjua goreng kompor angek
Pai ka sawah di gigik jo acek
Pai ka parak di pantak panyangek
Pai ka ladang bangkak-bangkak jo ulek
Cubo batukang tahantak jo pahek
Ka manyabuik rumpuik nyo kajambanannyo mato jo koncek
Ka manciang baluik ula nan tajarek
Ka jadi tukang uruik urang salah urek
Ka mambecak lutuik manggeretek
Bakuli goni ndak ta angkek Mak ondeh Mak oi
Lah cubo lo baolah raga ndak juo doh..
Ka manga den lai Mak oi..
Ka main bola wak lari lambek
Ka main tenis raket barek
Ka main golof lubang tasumbek
Ka main basket badan bondek
Ka main voli awak pendek
Den cubo lo main biliar katiko di hantak bola tungkek masuak
Bola ko tasakek, ndeh lah patah-patah stik jo den
Lah berang lo parakai jo den Mak oi
Aa dayo den ko mak oi..

Oi alah.. kudok se lah godok granat tu lah dek ang Gampo!!
Amak ang dang
Oii.. mati lah ang Gampo!!


Lirik Lagu Minang
Judul: Ondeh amak
Dipopulerkan oleh: Nedi Gampo

Baca Juga

Penyanyi Minang Wan Parau Rilis Lagu Tentang Gempa Pasbar, Ini Lirik Lengkapnya
Penyanyi Minang Wan Parau Rilis Lagu Tentang Gempa Pasbar, Ini Lirik Lengkapnya
Cerita Musisi Minang di Tengah Pandemi Corona, Pilih Virtual Agar Tak Ditinggal Para Penggemar
Cerita Musisi Minang di Tengah Pandemi Corona, Pilih Virtual Agar Tak Ditinggal Para Penggemar
Berita Padang hari ini dan berita Sumbar hari ini: Lagu Ayam Den Lapeh merupakan kisah cinta Nurseha yang kandas sebelum ke pelaminan.
Sepenggal Kisah dalam Lagu Ayam Den Lapeh Karya Nurseha, Penyanyi Pop Minang dari Orkes Gumarang
Lirik Lagu Minang
Lirik Lagu Minang: Bialah Mato Ko Buto – Vanny Vabiola
Lirik Lagu Minang
Lirik Lagu Minang: Bamandi Aia Mato – Vanny Vabiola
Lirik Lagu Minang
Lirik Lagu Minang: Lalok Lah Nak – Vanny Vabiola